Дубль-2: Ана энди гандболчиларимиз жаҳон чемпионатига чиқишди

Ушбу Осиё чемпионати Испанияда ўтказиладиган жаҳон чемпионатига йўлланма бериш билан аҳамиятлидир. Бир неча кун олдин гандболчиларимиз Иорданияни мағлубиятга учратиб, ЖЧ йўлланмасини қўлга киритганликлари ҳақида хабар қилинганди. Аммо кутилмаганда Халқаро гандбол федерацияси ЖЧ квоталарини Осиё қитъаси учун бешта қилиб қўйганди ва Ўзбекистон ҳамда Гонконг терма жамоалари ўзаро ўйин орқали ЖЧ йўлланмаси соҳибини аниқлаб олишлари маълум қилинганди. 

Бугун ушбу учрашув ўтказилди ва унда гандболчи қизларимиз 28:25 ҳисобида ғалаба қозониб, Осиё чемпионатида бешинчи ўринни қўлга киритишди. Бу эса Ўзбекистон аёллар терма жамоасига декабрь ойида Испания мезбонлик қиладиган жаҳон чемпионатига йўлланмани тақдим этди.