Дунёнинг 113-ракеткаси Лондондаги иштирокидан деярли 500 000 € ишлаб олди

ATP рейтингида 113-ўринни эгаллаб турган испаниялик теннисчи Фелисиано Лопес бироз кутилмаганда турнир чемпионига айланди. У 2 соату 49 дақиқа давом этган финал учрашувида дунёнинг 38-ракеткаси франциялик Жиль Симонни мағлуб этди - 6/2,  6/7(4), 7/6(2).

Fever-Tree Championships турниридаги муваффақиятли иштирок 37 ёшли Лопесга 429 955 евро мукофот пули ҳамда 500 рейтинг очкосини тақдим этди. Испаниялик теннисчи фаолиятидаги еттинчи ATP титулини қўлга киритди.