06 авг 18:05
Янгиликлар

Теннис

Дунёнинг 72-ракеткаси Китцбюэлда чемпион бўлди

Австриянинг Китцбюэль шаҳрида ўтказилган теннис бўйича ATP турнири аргентиналик ракетка устасининг ғалабаси билан якунига етди.

Дунёнинг 72-ракеткаси бўлиб турган Себастьян Баес финал учрашувида ATP рейтингининг 116-поғонасидан жой олган австриялик Доминик Тимни 6/3, 6/1 ҳисобларида мағлубиятга учратди. Теннисчиларнинг ўзаро иккинчи учрашувида ҳам Баес ғалабага эришди.

Австрия турниридаги муваффақиятли иштирок Баесга 250 рейтинг очкоси ҳамда 85,605 евро мукофот пули тақдим этди. Бу унинг жорий мавсумдаги иккинчи, фаолиятидаги учинчи титули бўлди. Аргентиналик эртага янгиланадиган рейтингда Топ-50`га қайтади. Финалчи Тим эса Топ-90`таликда бўлади.