Дунёнинг биринчи ракеткаси 1/4 финалга йўл олди

"Катта Дубулға" туркумига кирувчи мусобақанинг аёллар ўртасидаги яккалик баҳсларида чорак финал иштирокчилари маълум бўлмоқда. Сайёрамизнинг биринчи рақамли теннис маликаси Эшли Барти нимчорак финал учрашувида ғалабага эришди. 

Австралиялик 24 ёшли теннисчи 71 дақиқа давом этган баҳсда рейтингнинг 57-поғонасидан жой олган америкалик 28 яшар Шелби Рожерсни 6/3, 6/4 ҳисобларида мағлуб этди. Энди Эшли Australian Open чорак финалида чехиялик Каролина Муховага қарши кортга чиқади.