Дунёнинг биринчи ракеткаси қаторасига учинчи йил ҳам Доҳа турнири 1/2 финалида ўйнайди

Сайёрамизнинг биринчи рақамли теннис маликаси Ига Свёнтек ортиқча қийинчиликсиз мусобақанинг ярим финал иштирокчисига айланди. Польшалик теннисчи 1/4 финалда WTA рейтингида 31-ўринни эгаллаб турган беларуслик Виктория Азаренкони мағлубиятга учратди - 6/4, 6/0.

Ига теннисчиларнинг ўзаро учрашувларидаги устунлигини мустаҳкамлади - 3:1. Етмиш олти дақиқа давом этган баҳсда иккала теннисчи ҳам эйс зарбасини амалга ошира олмади. Қўшхатолар Азаренкода кўпроқ бўлди - 2 га 1. Брейклар бўйича мутлақ устунлик Свёнтекда - 5 га 1. Польшалик қаторасига учинчи йил ҳам Қатар турнири 1/2 финалида ўйнайди.