Дунёнинг биринчи ракеткаси Токиони забт этди

Мусобақа бош соврини Карлос Алькарасга насиб этди. Дунёнинг биринчи ракеткаси ҳал қилувчи финал учрашувида рейтингнинг бешинчи поғонасида бораётган Тэйлор Фрицни икки сетда ҳам бир хил ҳисобда мағлубиятга учратди - 6/4, 6/4. 

Карлос теннисчиларнинг ўзаро учрашувларидаги ҳисобни йириклаштирди - 4:1. Тўқсон икки дақиқа давом этган баҳсда иккала ракетка устаси ҳам 6 тадан эйс зарбасини амалга оширган. Қўшхатолар ҳам бир хилда бўлди - 3 тадан. Брейклар бўйича испаниялик теннисчи устунлик қилди - 3 га 1.    

Карлос Алькарас Токиодаги бир ҳафталик меҳнатидан 500 рейтинг очкоси ҳамда 416 365 АҚШ доллари миқдорида мукофот пули ишлаб олди. Вице-чемпион Фриц эса 224 035 доллар мукофот пули ҳамда 330 рейтинг очкосига эга бўлди. Алькарас фаолиятидаги 24, мавсумдаги 8-совринини қўлга киритди.