01 сен 11:49
Янгиликлар

Теннис

Дунёнинг биринчи ракеткаси US Open тўртинчи даврасида

Италиялик теннисчи Янник Синнер "Катта Дубулға" туркумига кирувчи АҚШ Очиқ чемпионатининг тўртинчи босқич иштирокчисига айланди.

Сайёрамизнинг биринчи ракеткаси учинчи даврада ATP рейтингида 87-поғонада бораётган австралиялик Кристофер О'Коннеллни ортиқча қийинчиликсиз мағлубиятга учратди - 6/1, 6/4, 6/2. Бу билан у теннисчиларнинг ўзаро учрашувлари ҳисобида олдинга чиқиб олди - 2:1.

Тўрт дақиқаси кам икки соат давом этган баҳсда Синнер 15, О'Коннелл 5 та эйс зарбасини амалга оширган. Қўшхатолар австралияликда икки баробар кўп бўлди - 4 га 2. Брейклар бўйича мутлақ устунлик Янникда - 5 га 0!