08 окт 17:18
Янгиликлар

Теннис

Дунёнинг иккинчи рақамли теннис маликаси 73-ракеткага ютқазиб қўйди

Теглар : Онс Жабер

Тунис давлатининг Монастир шаҳрида WTA турнири давом этмоқда.

Кутилмаганда сайёрамизнинг иккинчи рақамли теннис маликаси, тунислик Онс Жабер ўз ватандошлари кўз ўнгида аламли мағлубиятга учради. Онс 2 соату 28 дақиқа давом этган 1/4 финал учрашувида америкалик Клэр Лиуга 3/6, 6/4, 4/6 ҳисобида имкониятни бой бериб қўйди.

Бу теннисчиларнинг ўзаро ўтказган илк учрашуви эди. WTA рейтингида 73-поғонада бораётган Лиу энди Jasmin Open Monastir турнирининг финал чиптаси учун бельгиялик Элизе Мертенсга қарши кортга чиқади. Элизе чорак финалда япониялик Моюка Учижимани мағлубиятга учратган.