Дунёнинг саккизинчи ракеткаси баҳсни якунига етказа олмади

Сайёрамизнинг саккизинчи рақамли теннис маликаси Кики Бертенс Internationaux de Strasbourg турнирининг иккинчи даврасида рейтингнинг 43-поғонасидан жой олиб турган латвиялик Елена Остапенкога қарши баҳс олиб борди. 

Нидерландиялик теннисчи учинчи сетнинг олтинчи геймидан сўнг жароҳат сабаб курашни давом эттира олмаслигини маълум қилди. Бу вақтга келиб ҳисоб 6/2, 4/6, 2/4 кўринишида Остапенко фойдасига бўлиб турганди. Теннисчиларнинг ўзаро учрашувларидаги ҳисоб мувозанати тикланди - 2:2. Энди Елена чорак финалда япониялик Нао Хибинога қарши кортга чиқади.