Дунёнинг учинчи ракеткаси ўз юртидаги иштирокини бошлади

Дунёнинг учинчи ракеткаси Александр Зверев илк даврада ATP рейтингида 80-ўринни эгаллаб турган америкалик Александар Ковачевични 6/1, 7/6(5) ҳисобида мағлубиятга учратди. Бу теннисчиларнинг ўзаро ўтказган илк учрашуви бўлди. 

Бир соату 35 дақиқа давом этган баҳсда Зверев 7, Ковачевич 4 та эйс зарбасини амалга оширган. Иккала теннисчи ҳам бехато ҳаракат қилиб, қўшхатога йўл қўйишмади. Брейклар бўйича устунлик табиийки, ғолиб теннисчи томонида бўлди - 4 га 1. Энди германиялик теннисчи иккинчи босқичда франциялик Александр Мюллерга қарши кортга чиқади.