Двалишвили: "Сэндхагенни нокаут қилмоқчиман, лекин акси бўлса у учун хурсанд бўламан"

Мераб ва Кори ўртасидаги жанг 5 октябрь куни UFC 320 турнирида ўтказилади.

"Мен Кори Сэндҳагенни жангчи ва инсон сифатида қаттиқ ҳурмат қиламан. Ҳар сафар унинг Фрэнки Эдгарни нокаут қилганини кўрганимда, бундан катта таассурот оламан. У Марио Баутистани юта олди, Чито Верага қарши тўлиқ устунлик қилди ва Пётр Ян билан яхши жанг ўтказди.

Кори хавфли, уни тўхтатиш қийин. У жуда кучли курашчи ва грэпплер, чидамли, тейкдаунлардан яхши ҳимоялана олади ва октагонда ҳаракатланиши зўр. Бу жуда қизиқарли жанг бўлади, мен унга қарши жанг қилишни интиқлик билан кутяпман.

Албатта, нокаут билан ғалаба қозонишни режалаштиряпман, чунки ҳозир зарба техникам устида қаттиқ ишлаяпман. Эҳтимол, жанг "стойка"да кечади. Лекин бу ММА, демак ҳамма нарсага тайёр туришимиз керак.

Мен ғалаба учун бор кучимни ишга соламан. Лекин натижадан қатъи назар, хурсанд бўламан. Машғулот лагерида ҳам, жангда ҳам ўз кучимни тўлиқ ишга солишга ҳаракат қиламан. Агар у мени юта олса ҳам, унинг учун хурсанд бўламан. Чунки у кучли рақиб ва энг яхшиларига арзийди", — деди Двалишвили.