Дзюдочиларимизга оқ фотиҳа берилди

Ўзбекистон дзюдо федерацияси раиси Азизжон Камилов яна бир бор терма жамоамиз аъзолари билан учрашди. Ҳар бир дзюдочи билан алоҳида суҳбат қурилди. Мураббийлар спортчиларимизнинг жисмоний ва руҳий тайёргарликлари ҳақида батафсил маълумот беришди. 

Учрашувда Олимпиада чемпиони Диёра Келдиёрова ҳам иштирок этди ва дзюдочиларга ўз тавсияларини берди. Тадбир сўнггида аҳли илмларимиз Ватан шаънини ҳимоя қилишга шай бўлиб турган дзюдочиларимизни дуо қилишди. Биз ҳам ўз ўрнида Муқаддас ойда татамига чиқадиган терма жамоамизнинг ҳар бир аъзосига ғалаба ва омад ёр бўлсин деймиз.

Дзюдочиларимизни қўллаб-қувватланг! Сизларни "Ҳумо Арена"да кутамиз. Кириш мутлақо бепул. Олға, Ўзбекистон!