05 июл 07:37
Янгиликлар

Дзюдо, Париж-2024

Дзюдочиларимизнинг Франциядаги машғулот базаси кўздан кечирилди + ФОТО

Хабар берганимиздек, 14 июлдан Париж-2024 Олимпиадасига лицензия қўлга киритган дзюдочиларимиз Францияда сўнгги ўқув-машғулот йиғинига киришади.

Тайёргарлик машғулотлари машҳур Сена дарёсининг чап қирғоғида жойлашган Нормандия региони Кодбек-лез-Элбёф шаҳарчасида бўлиб ўтади.

Ўзбекистон дзюдо федерацияси бош котиби Азиз Собиров ҳамда федерациянинг халқаро бўлими бошлиғи Олимхон Маҳмудмуродов терма жамоамиз учун яратилган шароитлар билан яқиндан танишиш мақсадида Францияда бўлиб туришибди. Кодбек-лез-Элбёф шаҳри мэри жаноб Боннатерре кичик делегациямиз аъзоларини қабул қилди.

Мулоқотдан сўнг улар машғулот базасидаги шароитлар, меҳмонхона, ошхонани кўздан кечирдилар. Базада катта дзюдо зали, бассейн, тренажёр зали бўлиб, барча шароитлар тахт ҳолатга келтириб қўйилган. Терма жамоамиз олимпия шаҳарчасига киргунга қадар айнан шу ерда машғулотларни ўтказади.