12 мар 10:52
Янгиликлар

Бокс/ММА

Eagle FC 46 турнирининг марказий жанги тўлиқ давом этди + ФОТО

Хабар берганимиздек, бугун тонгда АҚШнинг Флорида штати Майами шаҳрида Хабиб Нурмагомедовга тегишли Eagle FC промоушенининг навбатдаги турнири бўлиб ўтди.

Eagle FC 46 оқшомининг марказий тўқнашувида америкалик собиқ UFC жангчиси Кевин Ли 40 ёшли ватандоши Диего Санчесга қарши октагонга кўтарилди.

Супер енгил вазн тоифасидаги жанг тўлиқ давом этди ва якунда ҳакамлар Кевин Лининг ғалабасини таъминлашди — 30-27, 30-27, 30-27.

Ли охирги 5 та жангининг 4 тасида мағлубиятга учраган эди. Санчес эса охирги 6 та жангининг 4 тасида мағлубият аламини тотиб кўрганди. Бугун Кевин ММАдаги 19-ғалабасини тантана қилди. Ҳисобидаги мағлубиятлари сони 9 талигича қолди. Санчес эса бугун 14-мағлубиятини қабул қилиб оди. Ҳисобида 33 та ғалаба бор.