Эдди Хирн: "Эннис бошқа чемпионлар билан жанг қилишни хоҳлаяпти"

— WBA Райан Гарсия — Роландо Ромеро ҳамда Жейрон Эннис — Шаҳрам Ғиёсов жанглари ғолиблари ўртасида жанг ўтказишни буюрди. Бу ҳақда қандай фикрдасиз?

"Бу ажойиб янгилик. Менимча, Райан Гарсия Роландо Ромерони мағлуб этади. Ромеронинг Эннисга қарши жангини ҳам кўришни истардим. Аммо шуни айта оламанки, Жейрон бошқа чемпионлар билан жанг қилишни хоҳлайди. Бироқ Ғиёсов бўйича савол туғилади. Менимча, Эннис Брайан Норман билан жанг қилмоқчи. Шунингдек, Турки ал аш-Шейх Жейроннинг Теофимо Лопес билан жанг қилишини хоҳлайди. Жейрон Эннис Станионисга қарши баҳсдан сўнг боксдаги энг қизғин муҳокама остидаги йигит бўлиб турибди. У бокснинг келажаги эканлигини ҳамма билади. Биз ақл бовар қилмайдиган ҳолатдамиз ва Жейрон Эннис манфаатларини кўзлаб ҳаракат қиламиз. Биз келаси ҳафта учрашамиз ва барча вариантларни муҳокама қиламиз", деди Хирн.

Гарсия ва Ромеро Эннис супер чемпион сифатида эълон қилинганидан сўнг вакант бўлиб қолган WBA чемпионлик унвони учун курашади. Жанг 2 май куни бўлиб ўтади. Шаҳрам Ғиёсов эса Энниснинг WBA Super Champion камари учун баҳс олиб боради.