06 июл 14:01
Янгиликлар
Бокс/ММА
Эдди Хирн: "Эннис — Ортис жанги устида ишлаяпмиз"
Британиялик промоутер Эдди Хирн яримўрта вазн тоифасида IBF ва WBA йўналишлари собиқ чемпиони, мижози Жейрон Эннис навбатдаги жангини қачон ўтказишини айтди.
"Эҳтимол, сентябрь ёки октябрь ойининг бошларида Эннис супер яримўрта вазнда жанг қилаётган бўлар. Биз бу вазндаги бир неча рақибларга таклиф юбордик. Жейрон рингга қайтишга тайёр. Мен Энниснинг янги вазн тоифасига кўтарилишини интиқлик билан кутяпман ва ўйлайманки, сиз супер яримўрта вазн тоифасида умуман бошқа Эннисни кўрасиз.
Эҳтимол, унинг илк жанги Филадельфияда бўлар. Ҳозирда биз Golden Boy билан Виржил Ортисга қарши жанг бўйича музокара олиб боряпмиз. Менимча, бу жангнинг бўлиши муқаррар. Биз айнан шу жангни хоҳлаймиз", деди Хирн.
Маълумот учун, Эннис вакант қолдирган WBA камари учун ҳамюртимиз Шаҳрам Ғиёсов мажбурий даъвогар саналади.
Ҳавола :
Манба : The Ring
Фикрлар