25 апр 11:34
Янгиликлар

Бокс/ММА

Эдди Хирн: "Жошуа Фьюри билан жанг учун шартнома имзолади"

Британиялик промоутер Эдди Хирн супероғир вазн тоифасида собиқ жаҳон чемпионлари Энтони Жошуа ва Тайсон Фьюри ўртасидаги жанг ниҳоят ўтказиладиган бўлди.

Британиялик боксчиларнинг жанг учун шартнома имзолагани маълум бўлди.

"Энтони июль ойида оловли жанг ўтказади. Бу шундай рақиб бўладики, унга қараб ким бу дейишингиз даргумон бўлади. Ўйлайманки, бу танлов танқид қилинади. Фьюрининг Маҳмудов билан жанги ҳам танқид қилинганди, гарчи фикримча, бу қайтиш учун жуда мантиқий рақиб бўлган бўлсада. Яхши янгилик шундаки, Тайсон Фьюри билан жанг учун шартнома аллақачон имзоланган. Сизга фақат июль ойида телевизорни ёқиш ва ўша 36 дақиқани бошдан кечириш қолади, холос", - деди Хирн.

Эслатиб ўтамиз, 12 апрель куни Лондонда катта боксга қайтган Тайсон Фьюри россиялик Арсланбек Маҳмудовни ҳакамларнинг якдил қарори билан мағлуб этган ва шундан сўнг Жошуага "вызов" ташлаганди.