06 апр 07:46
Янгиликлар

Спорт курашлари

Эгизак Каримовлар АҚШни забт этиш учун океан ортига жўнаб кетишди

Эркин кураш оламида анча танилиб қолган эгизак Амирхон ва Ҳожихон Каримовлар АҚШга йўл олишди.

Эгизак эркин курашчиларимиз океан ортида ўтказиладиган икки нуфузли халқаро мусобақада юртимиз шарафини ҳимоя қиладилар. Халқаро турнирнинг дастлабкиси 9-10 апрель кунлари Нью-Йорк шаҳрида бўлиб ўтади. Мусобақа якунлангач, шу ернинг ўзида иштирокчилар учун халқаро ўқув-машғулот йиғини ташкил этилади.

Иккинчи халқаро мусобақа эса 21-25 апрель кунлари Пенсилванияда ўтказилади. Унда Каримовлар Олимпиада чемпиони Дэвид Тейлорнинг жамоаси номидан гиламга чиқадилар. Шу кунгача эгизак Каримовлар битта вазн тоифасида мусобақаларда иштирок этиб келишаётган эди, Пенсилваниядаги турнирда эса улар мос равишда 40 ва 43 кг вазнда медаллар учун курашишади.