Эжени Бушар Истанбулда финалга чиқди

Дунёнинг 272-ракеткаси бўлиб турган канадалик мафтункор теннис маликаси Эжени Бушар 85 дақиқа даврм этган ярим финал учрашувида WTA рейтингининг 94-поғонасини банд этган испаниялик Паула Бадосани 6/3, 6/2 ҳисобида мағлубиятга учратди. 

Бу вақт оралиғида 26 ёшли Бушар 5, 22 яшар Бадоса эса 2 та эйс зарбасини амалга оширди. Ушбу ғалаба эвазига Эжени ўзаро учрашувларидаги ҳисоб мувозанатини тиклади - 1:1. Бугун Бушар бош соврин учун баҳсда чехиялик Тереза Мартинцовадан устун келган руминиялик Патриция Мария Тигга қарши кортга чиқади.