30 июн 16:32
Янгиликлар

Теннис

Елена Остапенко тўхтади

Дунёнинг 17-ракеткаси Елена Остапенко Истбурн шаҳрида ўтказилаётган турнирдаги иштирокини тўхтатди.

Латвиялик теннисчи чорак финалда WTA рейтингида 67-поғонадан жой олган италиялик Камила Жоржига қарши кортга чиқди. Биринчи сетни 6/7(8) ҳисобида бой берган Елена учрашувни жароҳати сабаб якунига етказа олмади.

Биринчи сет 70 дақиқа давом этган. Теннисчиларнинг ўзаро учрашувларидаги ҳисоб мувозанати тикланди - 2:2. Остапенко 6, Жоржи 11 та эйс зарбани амалга оширган. Бугун Камила финал чиптаси учун россиялик Дарья Касаткинага қарши кортга чиқади.