Элина Свитолина 1/2 финал иштирокчисига айланди

Мусобақанинг хотин-қиз теннисчилар ўртасидаги баҳсларида чорак финал учрашувлари ўтказилди. Дунёнинг олтинчи рақамли теннис маликаси Элина Свитолина қийинчилик билан ярим финал чиптасини қўлга киритди. 

Украиналик теннисчи чорак финал учрашувида рейтингнинг 61-поғонасидан жой олган чехиялик Маркета Вондрусовага қарши кортга чиқди. Икки соату 13 дақиқа давом этган баҳсда Элина рақибасини 4:6, 6:4, 6:4 ҳисобида мағлуб этди. Энди Свитолина финал йўлланмаси учун канадалик Бьянка Андрескуни синовдан ўтказади.