10 янв 11:56
Янгиликлар

Теннис

Элина Свитолина иккинчи учрашувини ўтказди

БАА пойтахти Абу-Даби шаҳрида теннис бўйича мавсумнинг илк WTA турнири давом этмоқда.

Сайёрамизнинг бешинчи рақамли теннис маликаси бўлиб турган Элина Свитолина турнирдаги иккинчи ғалабасини тантана қилди. Украиналик теннисчи рейтингнинг 164-поғонасидан жой олиб турган россиялик Вера Звонарёвадан устун келди - 6/4, 6/1. Элина 69 дақиқа давом этган баҳсда 2 та, Вера эса битта эйс зарбасини амалга оширди.

Энди Свитолина Abu Dhabi WTA Women's Tennis Open турнирининг нимчорак финалида яна бир россиялик теннисчи Екатерина Александровага қарши кортга чиқади. Александрова иккинчи босқичда британиялик Хизер Уотсонни мағлуб эта олди.