18 апр 10:35
Янгиликлар

Теннис

Элина Свитолина карантинда нима етишмаётгани ҳақида гапирди

Украиналик теннис маликаси Элина Свитолина Instagram саҳифасида мухлислари билан мулоқотга киришди.

Элина коронавирус пандемияси сабаб юзага келган карантин вақтини қандай ўтказаётгани ҳақида берилган саволга ҳам жавоб берди.

"Карантин мен учун зерикарли ўтаяпти, деб айта олмайман. Китоб мутлоаа қиляпман, билимларимни бойитяпман, фитнес билан шуғулланяпман ва ҳозиргидек Instagram саҳифасида мухлислар билан мулоқотга киришяпман. Фақат адреналин ва албатта маош, гонорарлар етишмаяпти, - деди Элина.

Маълумот учун, коронавирус пандемияси сабаб барча ATP ва WTA турнирлари 13 июнга қадар бекор қилинган. Аввалроқ Свитолинанинг 27-30 апрель кунлари Мадрид шаҳрида ўтказиладиган виртуаль теннис турнирида иштирок этиши ҳақида хабар берган эдик.