Элит Чемпионлар лигаси. "Ал Садд" пенальтилар сериясида "Ал Ҳилол"ни мусобақадан чиқариб юборди + ВИДЕО

Минтақанинг энг кучли клубларидан бири "Ал Ҳилол" ўз майдонида Қатарнинг "Ал Садд" жамоасига имкониятни бой берди.

"Ал Ҳилол" (Саудия Арабистони) — "Ал Садд" (Қатар) 3:3 (пенальтилар сериясида — 3:4)

Голлар: Милинкович-Савич 29 (1:0), Клаудиньо 36 (1:1), Салим ал-Давсари 55 (2:1), Мужика 58 (2:2), Маркос Леонардо 67 (3:2), Роберто Фирмино 70 (3:3).

Учрашув ҳақиқий голлар шоусига айланиб кетди. Мезбонлар уч бор ҳисобда олдинга чиқиб олишган бўлса-да, меҳмонлар ҳар сафар мувозанатни тиклашга куч топа олишди. Айниқса, "Ал Садд" сафида Роберто Фирминонинг 70-дақиқада урган голи қатарликларга қўшимча вақтлар ва пенальтилар серияси учун имкон тақдим этди.

Ғолиб номи лотереяда аниқланди. Пенальтилар сериясида омад "Ал Садд"га кулиб боқди — 4:3. Шу тариқа, "Ал Ҳилол" кутилмаганда ўз юришини нимчорак финалдаёқ тўхтатишга мажбур бўлди.