15 сен 20:51
Янгиликлар

Бокс/ММА

Емельяненко ва Дацик жанг олдидан сўнгги бор кўз уриштиришди + ФОТО

24 сентябрь куни Россия Федерациясининг Москва шаҳрида профессионал бокс кечаси бўлиб ўтади.

Hardcore Boxing оқшомининг марказий жангида россиялик икки таниқли ММА аралаш яккакураш устаси Александр Емельяненко ва Вячеслав Дацик ўзаро рингда тўқнаш келишади. Жанг бокс қоидалари асосида ташкил этилади.

Турнирнинг сo-main event жангида эса Дмитрий Кудряшов Сослан Асбаровга қарши рингга кўтарилади. Оқшом иштирокчилари жанг олдидан сўнгги бор кўз уриштириш маросимида ҳозир бўлишди.

Маълумот учун, Дацик сўнгги жангида бразилиялик Антонио Сильвани иккинчи раунддаёқ техник нокаут эвазига мағлубиятга учратган эди. Емельяненко эса америкалик Жефф Монсондан очколар ҳисобига кўра устун келганди.