Емельяненко ва Харитонов Bellator рейтингидан чиқарилди + ФОТО

Улар рейтингда мос равишда бешинчи ва тўққизинчи ўринларни эгаллаб туришганди. Бир кун аввал Фёдор Bellator куз ойларида Россияда унинг иштирокида турнир ўтказмоқчи бўлаётганини айтганди. Эҳтимолли рақиблар сифатида Алистар Оверим ва Жуниор Дос Сантос тилга олинган эди.

Сергей Харитонов эса куни кеча қўлқопсиз жанглар промоушенида дебют қилганди. Сергей яқин орада яна Bellator "қафаси"га қайтиши мумкинлигини ҳам айтмоқда. 

Маълумот учун, Фёдор Емельяненко Bellator промоушенида сўнгги бор 2019 йилнинг декабрь ойида Япониянинг Саитама шаҳрида ўтган Bellator 237 турнирида октагонга кўтарилган ва ўшанда Квинтон "Рампейж" Жексонни биринчи раундда нокаутга учратган эди. Харитонов эса ушбу ташкилотдаги ҳозирча охирги жангини 2019 йилнинг ноябрида Исроилнинг Тель-Авив шаҳрида ташкил этилган Bellator 234 турнирида ўтказган ва кутилмаганда иккинчи раундда техник нокаут билан Линтон Васселлга ютқазганди.