14 дек 07:42
Янгиликлар
Футбол
Эмери “Арсенал”дан кетгач, учта клуб таклифини рад этди
“Арсенал”нинг собиқ устози Унаи Эмери унинг хизматларига қизиқиш билдирган учта клубнинг таклифларига рад жавобини берган, дея хабар бермоқда Marca нашри.
Нашр манбасининг тасдиқлашича, 48 ёшли мутахассисга “Эвертон” ва Хитой Суперлигасининг икки клуби таклиф билан чиққан. Аммо испаниялик мураббий ҳар уччала таклифга йўқ деб жавоб берган. Маълум бўлишича, Эмери совринлар учун кураш олиб бориш имкониятига эга клубда ишлаш ниятида.
Эмери 2018/19 йилги мавсум аввалида “Арсенал”ни 20 йилдан ошиқроқ вақт давомида бошқарган Арсен Венгер ўрнини эгаллаганди. Унаи қўли остидаги илк мавсумда “Арсенал” АПЛда бешинчи поғонадан жой олган бўлса, Европа Лигасида финалга қадар етиб бориб, ҳал қилувчи баҳсда “Челси”га имкониятни бой берганди.
Ҳавола :
Манба : championat.asia
Фикрлар