04 сен 08:34
Янгиликлар

Теннис

Эмма Наварро US Open илк 1/2 финалчиси!

Нью-Йорк шаҳрида теннис бўйича "Катта Дубулға" туркумига кирувчи US Open турнири давом этмоқда.

Аёллар ўртасидаги баҳсларда дунёнинг 12-ракеткаси Эмма Наварро биринчилардан бўлиб ярим финал иштирокчисига айланди. Америкалик теннис маликаси 1/4 финалда WTA рейтингида 29-поғонада бораётган испаниялик Паула Бадосани мағлубиятга учратди - 6/2, 7/5. Бу билан у теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Етмиш тўрт дақиқалик учрашув статистикаси:

Эмма Наварро - эйс йўқ, 2 та қўшхато, 5 та брейк

Паола Бадоса - 4 та эйс, 7 та қўшхато, 2 та брейк

Наварро фаолиятида илк бор "Катта Дубулға" турнирларининг ярим финалида ўйнайди. Энг яхши натижаси "Уимблдон"нинг 1/4 финали бўлган. US Open турнирида эса ҳеч қачон биринчи даврадан ҳам ўта олмаган. У янги рейтингда фаолиятида илк бор Топ-10`да дебют қилади.