17 июн 12:48
Янгиликлар

Теннис

Энди Маррей Ноттингем турнири 1/2 финалида

Буюк Британиянинг Ноттингем шаҳрида теннис бўйича "Челленжер" туркумига кирувчи турнир давом этмоқда.

Дунёнинг 44-ракеткаси бўлиб турган Энди Маррей мусобақанинг 1/2 финал иштирокчисига айланди. Британиялик теннисчи 1/4 финалда ATP рейтингининг 117-поғонасида бораётган швейцариялик Доминик Штрикерни қийинчилик билан мағлубиятга учратди - 7/6(2), 7/5.

Бу теннисчиларнинг ўзаро ўтказган илк учрашуви эди. Тўқсон олти дақиқа давом этган баҳсда Маррей ҳам, Штрикер ҳам 3 тадан эйс зарбани амалга оширишган. Эндининг финал остонасидаги рақиби португалиялик Нуну Боргеш бўлади.