Энди Маррей Саудия Арабистонининг миллион долларлик таклифини рад этди

"Маррей уларни таклифини рад этди. Ўйлашимча, мамлакатда содир бўлаётган воқеалар туфайли ҳам Энди у ерда ўйнамайди. Умуман олганда, у ҳар қандай масала бўйича ўз фикрини ифода этишдан қўрқмайди.
Саудия Арабистони сўнгги йилларда бир нечта кўргазмали ўйинларга мезбонлик қилган ва теннисчиларга катта миқдорда пул тўланган. Аммо Эндини бу нарса қизиқтирмайди.

Агар сиз дунёнинг собиқ биринчи ракеткаси бўлсангиз, унда Яқин Шарқда ҳар бир ўйин учун бир ёки икки миллион доллар ишлаб олишингиз мумкин... ",-деди Гентри.

Қайд этилишича, худди шундай таклиф аввалроқ Рожер Федерер томонидан ҳам рад этилган. 2018 йилги Новак Жокович ва Рафаэль Надаль ўртасидаги ўйин эса испаниялик теннисчининг жароҳати сабаб бекор қилинганди.

2019 йил декабрь ойида бўлиб ўтган кўргазмали турнирда Даниил Медведев ғолиб чиққан.