16 янв 08:46
Янгиликлар

Теннис

Энди Маррейни мағлуб этган Карацев Сидней турнири чемпионига айланди

Жаҳоннинг 20-ракеткаси россиялик Аслан Карацев Сиднейдаги ATP 250 турнири бош совринини қўлга киритди.

У ҳал қилувчи финал учрашувида ATP рейтингида 135-ўринни эгаллаб турган, дунёнинг собиқ биринчи ракеткаси, британиялик Энди Маррейга қарши кортга чиқди. Бир соату 32 дақиқа давом этган баҳсда Карацев номдор рақибини 6/3, 6/3 ҳисобларида мағлубиятга учратди.

Карацев учун бу мавсумдаги биринчи, фаолиятидаги 3-соврин ҳисобланади. Турнир чемпионлиги Асланга 87,370 доллар мукофот пули ҳамда 250 рейтинг очкосини тақдим этди. Маррей эса Сидней турниридан 48,365 доллар ва 150 очко ишлаб олди.