08 ноя 16:45
Янгиликлар

Бокс/ММА

Энди Руис ўз рўйхатига Усикни қўшмади

Супероғир вазн тоифасида WBA, WBO ва IBF йўналишлари чемпиони Энди Руис 7 декабрь кунги жангидан кейинги режалари ҳақида ўртоқлашди.

Мексикалик жаҳон чемпиони Жошуага қарши кечадиган жангдан сўнг кимлар билан тўқнаш келиши мумкинлигини айтган. Ушбу рўйхатда яқиндагина супероғир вазнда дебют қилган украиналик Александр Усик йўқ.

"Ҳозир бор эътиборимни 7 декабрь куни ўтказиладиган жангимга қаратганман. Менга ғалаба керак. Жошуага қарши жангдан кейин Деонтей Уайлдер билан рингда тўқнаш келмоқчиман. Биз у билан дўстмиз, бир жамоаданмиз, иккимиз ҳам промоутер Эль Хэймон билан шартнома имзолаганмиз. Бу томондан жанг юзасидан келишиб олиш қийин бўлмайди.

Шунингдек, Тайсон Фьюри билан ҳам жанг қилмоқчиман. Жозеф Паркерга қарши реванш жанги ҳам яхши вариант. Бу рўйхатга Усикни қўшмаган бўлардим", - деди Руис.

Эслатиб ўтамиз, айнан Александр Усик WBO йўналиши бўйича Руис - Жошуа жанги ғолибига қарши рингга чиқиши шарт. Украиналик WBO камамари учун расмий даъвогар ҳисобланади.