10 авг 10:21
Янгиликлар
Бокс/ММА
Энг кўп нокаут соҳиби Блэйдсга "вызов" ташлади
UFC жангчиси Деррик Льюис Кёртис Блэйдсга қарши октагонга чиқиш истаги борлигини маълум қилди.
Бу ҳақида америкалик спортчи кеча россиялик Алексей Олейник билан ўтказган жангидан кейинги матбуот анжуманида маълум қилган. Деррик иккинчи раундда Олейникни нокаутга учратиб, оғир вазнлилар учун энг кўп нокаутлар бўйича рекорд ўрнатганди.
"Кейинги жангимни Блейдсга қарши ўтказсам ажойиб иш бўлар эди. Мен уни жазолайман. Кёртис эса мен билан жангда ҳеч нарса қила олмайди. Уни муддатидан аввал мағлуб этаман", — дея Льюиснинг сўзларини келтирмоқда MMA Fighting.
Маълумот учун, Кёртис Блейдс сўнгги жангида бошқа бир россиялик спортчи Александр Волковни мағлубиятга учратган эди. Кёртис айни пайтда рейтингнинг 3-поғонасидан жой олган. Деррик эса кечаги жангига қадар 4-ўринни эгаллаб турганди.
Ҳавола :
Фикрлар