13 янв 10:27
Янгиликлар
Бокс/ММА
Энг ёш жаҳон чемпиони иккинчи чемпионлик ҳимоясини ўтказади
18 ёшли Камила Заморано иккинчи чемпионлик ҳимоя жангида ўзидан 10 ёшга катта рақибасига қарши рингга кўтарилади.
21 февраль куни у 28 ёшли Клаудия Вероника Руис (7-2-1, 0КО)га қарши биринчи енгил вазн тоифасида ўзига тегишли WBC камарининг иккинчи ҳимоясини ўтказади. Ушбу жанг ўтказилишини WBC президенти Маурисио Сулайман расман эълон қилди.
Эслатиб ўтамиз, Заморано (13-0, 1КО) октябрь ойида, ҳали 17 ёшда бўлганида, бокс бўйича аёллар ўртасида тарихдаги энг ёш жаҳон чемпионига айланганди. Бунгача у вақтинчалик чемпионлик камарига эга эди. Аммо ушбу вазн тоифасида мутлақ жаҳон чемпиони Тина Руппрехт нафақага чиққанини эълон қилгандан сўнг кўтарилди ва ҳакамларнинг якдил қарори билан 41 ёшли япониялик Сану Хазуки (14-12-1, 7КО)ни мағлуб этиб, камарининг биринчи ҳимоясини муваффақиятли ўтказди.
Ҳавола :
Манба : allboxing
Фикрлар