01 окт 11:19
Янгиликлар

Енгил атлетика

Енгил атлетика. Светлана Радзивил жаҳон чемпионатида чиқиш қилди

Қатар пойтахти Доҳа шаҳрида енгил атлетика бўйича жаҳон чемпионати давом этмоқда.

Аввалроқ, аёллар ўртасида баландликка сакраш баҳсларида Светлана Радзивил саралаш баҳсларида муваффақиятли иштирок этиб, финалга йўл олгани ҳақида хабар қилгандик.

Кеча мусобақада ҳал қилувчи беллашувлар бўлиб ўтди. 12 нафар спортчи иштирок этган финалда Радзивил 1,89 м натижа кўрсатди ва сўнгги ўринни эгаллади.

Халқаро енгил атлетика федерацияси байроғи остида иштирок этган россиялик Мария Ласицкене 2,04 баландликни забт этди ва олтин медални қўлга киритди. Украиналик Ярослава Манучих ва АҚШ вакиласи Вашти Чуннингам мос равишда кумуш ва бронза медалларига сазовор бўлишди.