Енгилмас Кроуфорд навбатдаги чемпионлик ҳимоя жангини ўтказди

Оқшомнинг марказий жанги ярим ўрта вазн тоифасида ўтказилиб, унда WBO чемпионлик камари соҳиби, америкалик 33 ёшли Теренс Кроуфорд (37-0, 28 КО) собиқ IBF чемпиони, британиялик 34 ёшли Келл Брук (39-3, 27 КО) ка қарши рингга кўтарилди.

Ўн икки раундга мўлжалланган чемпионлик жанги муддатидан аввал якунланди. Тўртинчи раундда Кроуфорднинг кучли зарбасини ўтказиб юборган Брук мағлубиятини тан олди. Нокдаун ҳолатини қайд этган рефери жангни тўхтатишга мажбур бўлди. Бу ўтган йили Тошкентга келиб кетган Теренс Кроуфорд учун тўртинчи ҳимоя жанги эди. 

Маълумот учун, америкалик чемпион фаолияти давомида ўтказган 37 та жангининг барчасида ғалабага эришган. Ҳисобида 28 та нокаутли ғалаба бор. Келл Брук эса бугун учинчи мағлубиятини қабул қилиб олди. Британиялик боксчи 39 та жангда зафар қучган.