14 авг 15:32
Янгиликлар

Бокс/ММА

Энтони Жошуа Андре Уорднинг чақирувига жавоб берди

Супероғир вазн тоифасида собиқ жаҳон чемпиони Энтони Жошуа кутилмаганда уни жангга чақирган 41 ёшли америкалик Андре Уордга жавоб қайтарди.

Бир муддат аввал Уорд боксни деярли соғинмаслигини, аммо "Уэмбли"да Жошуа билан жанг қилиш учун фаолиятини давом эттиришга тайёрлигини айтганди.

"Ёнимга миллион сўраб келма! Ғурурингни яшир ва кел. Мухлисларни хурсанд қилиш учун рингга боримизни ташлаб чиқиб кетамиз. Шартномани Эдди Хирнга юбордим", - дея Жошуанинг сўзларини келтирмоқда The Ring нашри.

Маълумот учун, Энтонининг навбатдаги рақиби сифатида Рио-2016 Олимпиадаси чемпиони франциялик Тони Йока бўлиши айтилмоқда. Ушбу жанг Гана давлатида бўлиб ўтиши мумкин.

Андре Уорд 2017 йилда россиялик Сергей Ковалёвга қарши кечган реванш жангида ғалаба қозониб, спортдаги фаолиятини якунлаганини эълон қилганди. У АҚШ телевидениясида шарҳловчи ва таҳлилчи сифатида ишлаяпти.