Энтони Жошуа илк бор Нигериядаги ЙТҲда ҳалок бўлган мураббийлари ҳақида фикр билдирди

Эслатиб ўтамиз, декабрь ойи охирида Жошуа Нигерияда автомобиль ҳалокатига учраган. Энтонининг ўзи жароҳат олган, Гами ва Латц эса вафот этганди.

"Қадрдонларимга кўрсатаётган меҳр ва ғамхўрлигингиз учун барчангизга раҳмат. Улар мен учун қанчалик аҳамиятли инсонлар бўлганини аввал англамаган эканман. Албатта, менга оғир, аммо уларнинг ота-оналарига бундан-да оғирроқ. Руҳим кучли ва Худо улар қандай инсонлар бўлганини яхши билади, деб ишонаман. Худо ака-укаларимни раҳматига олсин", — деб ёзди Жошуа ижтимоий тармоқдаги саҳифасида.