Энтони Жошуа Нигериядаги фожиали ЙТҲдан сўнг илк бор мухлисларга мурожаат қилди

Ушбу ҳалокат оқибатида унинг мураббийлари ҳалок бўлган эди.

"Бир кун келиб менинг ҳам навбатим келади [бу дунёдан кетишга]. Ва мен бундан қўрқмайман. Ҳатто у томонда мени икки ака-укам кутиб олишини ўйласам, хотиржам бўламан. Мен аввал ҳам яқинларимни йўқотганман, лекин бу сафар йўқотганларим йўлимда чап ва ўнг қўлим бўлган инсонлар эди. Мен ўзимни “катта йигит” деб ҳам англамабман. Чунки мен доимо улкан инсонлар билан ёнма-ён юрганман. Улар мени ҳимоя қиларди, тўсиб турарди, қалқоним эдилар.

Аммо миссия давом этиши керак. Мен ўз бурчимни ва улар ўз оилалари учун нима истаганини яхши тушунаман. Шунинг учун мақсадим — улар жисмонан орамизда бўлмаса ҳам, орзуларини амалга оширишга ёрдам бериш. Кечаси ва эрталаб дуо қилганимда, руҳан улар менга ёрдам беришини биламан. Чунки мени фақат жисмоний куч эмас, яна юқоридан бериладиган катта куч олиб ўтади.

Мен албатта дуо қиламан ва уларнинг оилалари учун орзуларини амалга оширишга ёрдам бераман. Ва фақат мен эмас. Биз катта жамоамиз, биродарлармиз. Улар бошлаган ишни, меросини ва орзуларини давом эттирамиз. Мен ўз дунёчамда нима қилишимни аниқ биламан", — деди Жошуа Ready to Fight нашрига.