01 янв 08:13
Янгиликлар

Бокс/ММА

Энтони Жошуа Нигериядаги "Қироллик люкс" шифохонасида даволанмоқда + ФОТО

Супероғир вазн тоифасида собиқ жаҳон чемпиони Энтони Жошуа Нигериянинг Лагос шаҳридаги элита шифохонасида муолажаларни давом эттирмоқда.

Daily Mail хабарига кўра, британиялик боксчи қироллик шароитида автоҳалокат оқибатларидан тикланмоқда. Касалхонанинг олтинчи қаватида Harley Street Practice деб номланган элита бўлими мавжуд бўлиб, у VIP беморларга Duchess Royal Suites тоифасидаги хоналарни таклиф қилади.

Беморлар кунига 24 соат давомида индивидуал парвариш қилинади. Шунингдек, улар ошхонадан ўз дидларига мослаб тайёрланган нафис таомларни истеъмол қилишади.

Эслатиб ўтамиз, 29 декабрь куни Нигерияда Энтони Жошуа бўлган Lexus автомобили юк машинасига бориб урилганди. ЙТҲ оқибатида боксчининг олди ўриндиқда ўтирган икки мураббийи вафот этган эди. Жошуа эса шофёрнинг орқасидаги ўриндиқда бўлгани боис (аввало Аллоҳ, ҳолат сабабчи) омон қолганди.