08 окт 10:05
Янгиликлар
Спорт курашлари
Эркин кураш. Бугун полвонларимиз Пунадаги иштирокларини бошлашади
Бугун Ҳиндистоннинг Пуна шаҳрида эркин кураш бўйича анъанавий халқаро турнир бошланади.
Бу ҳақда Ўзбекистон спорт курашлари ассоциацияси матбуот хизмати хабар бермоқда. Пуна шаҳри мэри соврини учун ўтказиладиган мусобақада Ўзбекистон терма жамоаси ҳам иштирок этади.
Терма жамоамиз таркибидан Ғуломжон Абдуллаев (57 кг), Аббос Раҳмонов (57 кг), Сирожиддин Ҳасанов (65 кг), Умиджон Исманов (86 кг), Суҳроб Мукаррамов (97 кг)лар жой олишган.
Терма жамоа мураббийи Латиф Халимов. Тўймурод Адизов эса халқаро турнирга ҳакам сифатида таклиф этилган. Бугун 57, 65, 74 ва 97 кг вазн тоифаларида ғолиб ва совриндорлар номи маълум бўлади. Эртага эса 61, 70, 86 ҳамда 125 кг вазнда беллашувлар бўлиб ўтади.
Ҳавола :
Манба : olamsport.com
Фикрлар