16 мар 14:39
Янгиликлар

Спорт курашлари

Эркин кураш. Минскдан тўртта медаль билан

Белоруссиянинг Минск шаҳрида ўсмирлар ўртасида эркин кураш бўйича уч карра Олимпия ўйинлари чемпиони, кўп карра жаҳон чемпиони ҳисобланган афсонавий Александр Медведь соврини учун халқаро мусобақа бўлиб ўтаётганлиги ҳақида хабар қилгандик.

12 мамлакатдан иқтидорли ёш спортчилар иштирок этаётган мусобақанинг дастлабки кунида Шахбоз Комилов (-45кг) ҳамда Умиджон Жалолов (-48кг)лар олтин, Жамшид Маъруфов (-55кг) эса бронза медали соҳибига айланганидан ҳам хабарингиз бор.

Кеча ўтказилган баҳсларда -65кг вазн тоифасида финалгача етиб борган Нодиржон Раҳимов кумуш медаль билан кифояланди.

Шу тариқа, ёш полвонларимиз "Медвежонок" турнирида 2та олтин, 1та кумуш ва 1та бронза медаллари билан қайтишди.