22 окт 09:04
Янгиликлар
Спорт курашлари
Эркин кураш. Ўзбекистон Кубогида ғолиблар аниқланди
Пойтахтимиз мезбонлик қилган спорт курашлари бўйича Ўзбекистон Кубогида эркин кураш йўналишида ғолиб ва совриндорлар номи маълум бўлди.
Бу ҳақда Ўзбекистон спорт курашлари ассоциацияси матбуот хизмати хабар бермоқда. Кеча ўтказилган 57, 65, 74 ҳамда 97 кг вазн тоифаларида ғолиблик учун асосий даъвогар ҳисобланган полвонлар зафар қучишди.
57 кг вазн тоифасида Осиё чемпиони, ёшлар ўртасида шу йилги жаҳон чемпионати бронза медали совриндори Ғуломжон Абдуллаев шохсупанинг энг юқори поғонасига кўтарилди.
65 кг вазнда ғолиблик сирдарёлик Муҳаммадкарим Усмоновга насиб этди. 74 кг вазн тоифасида икки карра Осиё чемпиони, 2013 йилги жаҳон чемпионати совриндори Осиё ўйинлари-2014 ғолиби Рашид Қурбонов зафар қучди. 97 кг вазнда Баҳодир Аслонов мамлакат кубоги соҳибига айланди.
Ҳавола :
Фикрлар