29 окт 10:39
Янгиликлар
Спорт курашлари
Эркин курашчиларимиз Бувайсар Сайтиев соврини учун курашишади
Бугун Россиянинг Красноярск шаҳрида уч карра Олимпиада чемпиони Бувайсар Сайтиев соврини учун XII анъанавий халқаро турнир бошланади.
Бу ҳақда Ўзбекистон спорт курашлари ассоциацияси матбуот хизмати хабар бермоқда. 16-17 ёшли полвонлар ўртасида ўтказилаётган ушбу нуфузли мусобақада Россия, Бельгия, Озарбойжон, Эрон, Япония, Франция, Германия каби ўндан ортиқ давлатдан курашчилар иштирок этишяпти.
Улар орасида Ўзбекистон терма жамоасининг тўққиз нафар аъзоси ҳам медаллар учун баҳсларга киришишади.
Терма жамоамиз таркибидан Ислом Илҳомов (42 кг), Амирбек Салимов (50 кг), Рустамбек Жўраев (50 кг), Фаррух Шарипов (54 кг), Нодир Раҳимов (58 кг), Феруз Ёқубов (58 кг), Азизбек Файзуллаев (58 кг), Муҳаммадрасул Раҳимов (76 кг), Давлатбек Ашуров (85 кг) ва Шоҳжаҳон Авазов (85 кг) жой олишган.
Ҳавола :
Фикрлар