Эркин курашчиларимизнинг Кисловодскдаги машғулоти бошланди

Ушбу йиғин 8 мартга қадар давом этади. Машғулотларда терма жамоамизнинг асосан истеъдодли ёшлари иштирок этяпти. Кисловодск йиғини Токио-2020 Олимпиадасига тўғридан-тўғри йўлланма берувчи лицензион турнирга тайёргарлик вазифасини ўтаб беради.    

Аслида лицензион турнир Хитойда ўтказилиши керак эди. Лекин Чин юртида тарқалган коронавирус сабаб бошқа спорт турлари қатори спорт курашлари бўйича лицензион турнир ҳам энди бошқа давлатда ўтказилади. Эртага Ҳиндистоннинг Нью-Дели шаҳрида старт оладиган Осиё чемпионати доирасидаги Ижроқўм йиғилишида лицензион турнир мезбони эълон қилинади. 

Кисловодскка йўл олган таркиб:

-57 кг: Маҳмуджон Шавкатов

-57 кг: Умиджон Жалолов

-57 кг: Ғуломжон Абдуллаев

-65 кг: Сирожиддин Ҳасанов

-70 кг: Рамазон Ибодов

-86 кг: Рашид Қурбонов

-86 кг: Жавраил Шапиев

-86 кг: Рустам Шодиев 

-92 кг: Азиз Солиев

125 кг: Амиржон Нутфуллаев

125 кг: Дилмуҳаммад Нурмуҳаммедов

Мураббийлар - Олимжон Ҳикматов, Абдурауф Бозорбоев, Латиф Халимов

Шифокор - Улуғбек Тўрабоев

Ўзбекистон спорт курашлари ассоциацияси матбуот хизмати