Эронлик ёш таэквондочи Исроил билан уруш қурбони бўлди

"Сионистик режимнинг қўрқоқларча бостириб кириши ортидан ўсмир спортчи Амир Али Аминийнинг шаҳид бўлганини билдирамиз.

Унинг муҳтарам оила аъзоларига, юртимизнинг олийжаноб жамоатчилигига, барча таэквондо қаҳрамонлари ва кашшофларига ҳамдардлик билдирамиз.

Амир Али ёш бўлишига қарамай, буюк руҳ ва интилишга эга эди.

Унинг хотираси қалбимиз ва онгимизда ҳамиша эъзозда сақланиб қолади. Руҳи шод бўлсин", дейилади федерация хабарида.

Маълумот учун, Амир Али Аминий таэквондо бўйича Эрон ўсмирлар терма жамоаси аъзоси эди.