31 май 11:25
Янгиликлар

Теннис

Эртага теннисимиз истиқболи Амир Милушев "Ролан Гаррос"даги иштирокини бошлайди

Эртага Париж шаҳрида ёшлар ўртасидаги "Ролан Гаррос" турнирининг саралаш баҳслари старт олади.

Аввалроқ хабар берганимиздек, мазкур турнирда ёш ўзбек теннисчиси Амир Милушев ҳам ўз омадини синаб кўради. Милушев турнирдаги иштирокини саралашдан бошлайди.

Эртага "Ролан Гаррос Жуниорс" учун саралашнинг илк баҳслари старт олади. Бугун тунда Милушевнинг илк рақиби номи маълум бўлади. Ёшлар ўртасидаги ITF рейтингида 85-ўринни банд этиб турган 17 ёшли ҳамюртимиз ўтган ойда J200 HASKOVO халқаро турнирининг жуфтлик баҳсларида ғалаба қозонган эди.

Аввалроқ, бошқа бир ҳамюртимиз — Нигина Абдураимова (176) катталар ўртасидаги "Ролан Гаррос" турнири саралашининг илк раундида Тамара Зиданшекка (110) қарши кортга чиқиб, мағлубиятга учраган эди.