11 дек 19:28
Янгиликлар

Теннис

Эшли Барти гольф афсонаси билан беллашди

Дунёнинг биринчи ракеткаси Эшли Барти америкалик афсонавий гольфчи Тайгер Вудс томонидан ташкил этилган кўргазмали тадбирда иштирок этди.

Вудс Австралиянинг Мельбурн шаҳрида ўтказиладиган Presidents Cup турнирида қатнашади. Ушбу мусобақа олдидан у австралиялик теннис маликаси билан мерганлик бўйича беллашди.

Ярра дарёси қирғоғида махсус мини-газон бунёд этилди. Спортчилар эса дарёнинг бу қирғоғидан ана шу нишонни пойлашди. Вудс мўлжалда адашди, Бартининг зарбаси эса Тайгерникига қараганда аниқроқ бўлди.

"Ҳазиллашяпсизларми? Эшлидан яхшигина гольфчи чиқади! Мен бугунги беллашувни ҳаваскорлар мусобақаси деб ўйлагандим", - дея фикр билдирган Вудс.