ESPN талқини бўйича йил жанги ва йил нокаути ҳам аниқланди

Бироз олдин хабар берганимиздек, енгил вазнда UFC чемпиони, вазн тоифасидан қатъий назар ташкилотнинг энг кучли жангиси Ислам Махачев 2023 йилнинг энг яхши аралаш яккакураш устаси деб топилганди. 2022 йилда чемпионлик камарини қўлга киритган Ислам бу йил Александр Волкановскига қарши иккита жанг ўтказиб, ҳар иккисида ғалаба қозонди. 

Айнан Махачев ва Волкановски ўртасида Австралиянинг Перт шаҳрида, UFC 284 турнири доирасида ўтказилган биринчи жанг ESPN томонидан "Йил жанги" деб эътироф этилди. 

"Йил нокаути" номинациясида Исраэль Адесанья ғолиб бўлди. Янги Зеландия вакили Алекс Перейрага қарши жангда рақибини чиройли усулда нокаутга учратганди. "Йил сабмишени"да ғолиблик Алекса Грассога насиб этди. Мексикалик чемпион Валентина Шевченкони бўғиш усули билан енгиб, рақибасининг камарини тортиб олганди. Айнан Грассо ESPN томонидан аёллар ўртасида "Йил жангчиси" деб топилди.