24 мар 09:17
Янгиликлар

Дзюдо

Европа Очиқ чемпионатининг илк куни 2 та медалга эга чиқдик + ФОТО

Озарбайжоннинг Гой Гол шаҳарчасида дзюдо бўйича ёшлар ўртасида Европа Очиқ чемпионати бўлиб ўтмоқда.

Мусобақада АҚШ, Россия, Украиина, Италия, Франция, Бельгия, Чехия, Хорватия, Буюк Британия, Бразилия, Нидерландия каби қирқдан зиёд давлатдан 2005-2007 йилларда таваллуд топган ёш дзюдочилар иштирок этяпти.

Юртимиз спорт шарафини Ўлмас Гуллиев мураббийлигидаги ёш дзюдочиларимиз ҳимоя қиляптилар. Кеча мусобақанинг биринчи куни Зафарбек Ўктамов (-50 кг:) ва Сарварбек Абдуалимов (-60 кг) Европа Очиқ чемпионатининг бронза медалини қўлга киритишди.

Бугунги беллашувларда эса Ином Баҳодиров (-66 кг), Муҳаммадумар Ҳайитов (-73 кг) ва Беҳруз Ҳусенов (-81 кг) ўз имкониятларини синовдан ўтказишади.